1. тогда убо пилат поят Иисуса, и би его.
  2. и воини сплетше венец от терния, возложиша ему на главу, и в ризу багряну облекоша его,
  3. и глаголаху. радуися, црю иудеискии. и бияху его по ланитома.
  4. изыде убо паки вон пилат, и глагола им. се извожду его вам вон, да разумеете, яко в нем ни единыя вины обретаю.
  5. изыде же вон Иисус, нося терновен венец и багряну ризу. и глагола им. се человек.
  6. егда же видеша его архиерее и слуги, возопиша глаголюще. распни, распни его. глагола им пилат. поимите его вы, и распните. аз бо не обретаю в нем вины.
  7. отвещаша ему иудее. мы закон имамы, и по закону нашему должен есть умрети, яко себе Сына Божия сотвори.
  8. егда убо слыша пилат сие слово, паче убояся.
  9. и вниде в претор паки, и глагола Иисусови. откуду еси ты, Иисус же ответа не даде ему.
  10. глагола же ему пилат. мне ли не глаголеши, не веси ли, яко власть имам распяти тя и власть имам пустити тя,
  11. отвеща Иисус. не имаши власти ни единыя на мне, аще не бы ти дано свыше. сего ради предавыи мя тебе болии грех имать.
  12. от сего искаше пилат пустити его. иудее же вопияху, глаголюще. аще сего пустиши, неси друг кесарев. всяк, иже царя себе творит, противится кесарю.
  13. пилат убо слышав сие слово, изведе вон Иисуса, и седе на судищи, на месте глаголемем лифостротон, евреиски же гаввафа.
  14. бе же пяток пасце, час же яко шестыи. и глагола иудеом. се Царь ваш.
  15. они же вопияху. возьми, возьми, распни его. глагола им пилат. цря ли вашего распну, отвещаша архиерее. не имамы царя, токмо кесаря.
  16. тогда убо предаде его им, да распнется. поемше же Иисуса, и ведоша.
  17. и нося крт свои, изыде на глаголемое лобное место, еже глаголется евреиски голгофа.
  18. идеже пропяша его, и с ним ина два, сюду и сюду, посреде же Иисуса.
  19. написа же и титла пилат, и положи на крте. бе же написано. Иисус назорянин, Царь иудеискии.
  20. сего же титла мнози чтоша от иудеи, яко близ бе место града, идеже пропяша Иисуса. и бе написано евреиски, гречески, римски.
  21. глаголаху убо пилату архиерее иудеистии. не пиши. Царь иудеискии. но яко сам рече. Царь есмь иудеискии.
  22. отвеща пилат. еже писах, писах.
  23. воини же, егда пропяша Иисуса, прияша ризы его, и сотвориша четыри части, коемуждо воину часть, и хитон. бе же хитон не швен, свыше исткан весь.
  24. реша же к себе. не предерем его, но метнем жребия о нем, кому будет. да сбудется писание, глаголющее. разделиша ризы моя себе, и о иматисме моеи меташа жребия. воини убо сия сотвориша.
  25. стояху же при крте Иисусове мти его, и сестра мтре его, мариа клеопова, и мариа магдалина.
  26. Иисус же видев Матерь и ученика стояща, егоже любляше, глагола Матери своеи. жено, се сын твои.
  27. потом глагола ученику. се мти твоя. и от того часа поят ю ученик во своя си.
  28. посем ведыи Иисус, яко вся уже совершишася, да сбудется писание, глагола. жажду.
  29. сосуд же стояше полн оцта. они же исполнивше губу оцта и на трость вонзше, придеша ко устом его.
  30. егда же прият оцет Иисус, рече. совершишася. и преклонь главу, предаде дх.
  31. иудее же, понеже пяток бе, да не останут на кресте телеса в субботу, бе бо велик день тоя субботы, молиша пилата, да пребиют голени их и возьмут.
  32. приидоша же воини, и первому убо пребиша голени, и другому распятому с ним.
  33. на Иисуса же пришедше, яко видеша его уже умерша, не пребиша ему голении.
  34. но един от воин копием ребра ему прободе, и абие изыде кровь и вода.
  35. и видевыи свидетельствова, и истинно есть свидетельство его. и тои весть, яко истину глаголет, да вы веру имете.
  36. быша бо сия, да сбудется писание. кость не сокрушится от него.
  37. и паки другое писание глаголет. воззрят нань, егоже прободоша.
  38. по сих же моли пилата иосиф, иже от аримафеа, сыи ученик Иисусов, потаен же страха ради иудеиска, да возьмет тело Иисусово. и повеле пилат. прииде же и взят тело Иисусово.
  39. прииде же и никодим, пришедыи ко Иисусови нощию прежде, нося смешение смирнено и алоино, яко литр сто.
  40. прияста же тело Иисусово, и обвиста е ризами со ароматы, якоже обычаи есть иудеом погребати.
  41. бе же на месте, идеже распятся, верт, и в верте гроб нов, в немже николиже никтоже положен бе.
  42. ту убо пятка ради иудеиска, яко близ бяше гроб, положиста Иисуса.

Постоянная ссылка на эту страницу bibleonline.ru/bible/csl/43/19/.

Выбор перевода и языка



© Библия Онлайн, 2003-2016