1. во едину же от суббот мариа магдалина прииде заутра, еще сущеи тьме, на гроб. и виде камень взят от гроба.
  2. тече убо и прииде к симону петру и к другому ученику, егоже любляше Иисус, и глагола има. взяша гда от гроба, и не вем, где положиша его.
  3. изыде же петр и другии ученик, и идяста ко гробу.
  4. течаста же оба вкупе. и другии ученик тече скорее петра, и прииде прежде ко гробу.
  5. и приник виде ризы лежащя. обаче не вниде.
  6. прииде же симон петр вслед его, и вниде во гроб, и виде ризы едины лежащя,
  7. и сударь, иже бе на главе его, не с ризами лежащь, но особь свит на едином месте.
  8. тогда убо вниде и другии ученик, пришедыи прежде ко гробу, и виде, и верова.
  9. не у бо ведяху писания, яко подобает ему из мертвых воскреснути.
  10. идоста же паки к себе ученика.
  11. мариа же стояше у гроба вне плачущи. якоже плакашеся, приниче во гроб,
  12. и виде два аггла в белых ризах седяща, единаго у главы и единаго у ногу, идеже бе лежало тело Иисусово.
  13. и глаголаста еи она. жено, что плачешися, глагола има. яко взяша гда моего, и не вем, где положиша его.
  14. и сия рекши обратися вспять, и виде Иисуса стояща. и не ведяше, яко Иисус есть.
  15. глагола еи Иисус. жено, что плачеши, кого ищеши, она же мнящи, яко вертоградарь есть, глагола ему. господи, аще ты еси взял его, повеждь ми, где еси положил его. и аз возьму его.
  16. глагола еи Иисус. марие. она же обращшися глагола ему. раввуни. еже глаголется, учителю.
  17. глагола еи Иисус. не прикасаися мне, не у бо взыдох ко оцу моему. иди же ко братии моеи и рцы им. восхожду ко оцу моему и оцу вашему, и бгу моему и бгу вашему.
  18. прииде же мариа магдалина поведающи учеником, яко виде гда, и сия рече еи.
  19. сущу же позде в день тои во едину от суббот, и дверем затворенным, идеже бяху ученицы его собрани, страха ради иудеиска, прииде Иисус, и ста посреде, и глагола им. мир вам.
  20. и сие рек, показа им руце и нозе и ребра своя. возрадовашася убо ученицы, видевше гда.
  21. рече же им Иисус паки. мир вам. якоже посла мя оц, и аз посылаю вы.
  22. и сие рек, дуну, и глагола им. приимите дх свят.
  23. имже отпустите грехи, отпустятся им. и имже держите, держатся.
  24. фома же, един от обоюнадесяте, глаголемыи близнец, не бе ту с ними, егда прииде Иисус.
  25. глаголаху же ему друзии ученицы. видехом гда. он же рече им. аще не вижу на руку его язвы гвоздинныя, и вложу перста моего в язвы гвоздинныя, и вложу руку мою в ребра его, не иму веры.
  26. и по днех осмих паки бяху внутрь ученицы его, и фома с ними. прииде Иисус дверем затворенным, и ста посреде их, и рече. мир вам.
  27. потом глагола фоме. принеси перст твои семо, и виждь руце мои. и принеси руку твою, и вложи в ребра моя. и не буди неверен, но верен.
  28. и отвеща фома, и рече ему. гдь мои и бг мои.
  29. глагола ему Иисус. яко видев мя, веровал еси. блажени не видевшии и веровавше.
  30. многа же и ина знамения сотвори Иисус пред ученики своими, яже не суть писана в книгах сих.
  31. сия же писана быша, да веруете, яко Иисус есть Христос Сын Божии, и да верующе живот имате во имя его.

Постоянная ссылка на эту страницу bibleonline.ru/bible/csl/43/20/.

Выбор перевода и языка



© Библия Онлайн, 2003-2016