1. посем явися паки Иисус учеником своим, востав от мертвых, на мори тивериадстем. явися же сице.
  2. бяху вкупе симон петр, и фома нарицаемыи близнец, и нафанаил, иже бе от каны галилеиския, и сына зеведеова, и ина от ученик его два.
  3. глагола им симон петр. иду рыбы ловити. глаголаша ему. идем и мы с тобою. изыдоша же, и вседоша абие в корабль, и в ту нощь не яша ничесоже.
  4. утру же бывшу, ста Иисус при брезе. не познаша же ученицы, яко Иисус есть.
  5. глагола же им Иисус. дети, еда что Сынедно имате, отвещаша ему. ни.
  6. он же рече им. вверзите мрежу о десную страну корабля, и обрящете. ввергоша же, и ктому не можаху привлещи ея от множества рыб.
  7. глагола же ученик тои, егоже любляше Иисус, петрови. гдь есть. симон же петр слышав, яко гдь есть, епендитом препоясася, бе бо наг, и ввержеся в море.
  8. а друзии ученицы кораблецем приидоша, не беша бо далече от земли, но яко две сте лактеи, влекуще мрежу рыб.
  9. егда убо излезоша на землю, видеша огнь лежащь, и рыбу на нем лежащу, и хлеб.
  10. и глагола им Иисус. принесите от рыб, яже ясте ныне.
  11. влез же симон петр, извлече мрежу на землю, полну великих рыб сто и пятьдесят и три. и толико сущым, не проторжеся мрежа.
  12. глагола им Иисус. приидите, обедуите. ни един же смеяше от ученик истязати его. ты кто еси, ведяще, яко гдь есть.
  13. прииде же Иисус, и прият хлеб, и даде им, и рыбу такожде.
  14. се уже третие явися Иисус учеником своим, востав от мертвых.
  15. егда же обедоваше, глагола симону петру Иисус. симоне ионин, любиши ли мя паче сих, глагола ему. еи, Господи, ты веси, яко люблю тя. глагола ему. паси агнцы моя.
  16. глагола ему паки второе. симоне ионин, любиши ли мя, глагола ему. еи, Господи, ты веси, яко люблю тя. глагола ему. паси овцы моя.
  17. глагола ему третие. симоне ионин, любиши ли мя, оскорбе же петр, яко рече ему третие. любиши ли мя, и глагола ему. Господи, ты вся веси. ты веси, яко люблю тя. глагола ему Иисус. паси овцы моя.
  18. аминь, аминь глаголю тебе. егда был еси юн, поясался еси сам, и ходил еси, аможе хотел еси. егда же состареешися, воздежеши руце твои, и ин тя пояшет, и ведет, аможе не хощеши.
  19. сие же рече, назнаменуя, коею смертию прославит бга. и сия рек, глагола ему. иди по мне.
  20. обращься же петр виде ученика, егоже любляше Иисус, вослед идуща, иже и возлеже на вечери на перси его и рече. Господи, кто есть предаяи тя,
  21. сего видев петр, глагола Иисусови. Господи, сеи же что,
  22. глагола ему Иисус. аще хощу, да тои пребывает, дондеже прииду, что к тебе, ты по мне гряди.
  23. изыде же слово се в братию, яко ученик тои не умрет. и не рече ему Иисус, яко не умрет, но. аще хощу тому пребывати, дондеже прииду, что к тебе,
  24. сеи есть ученик свидетельствуяи о сих, иже и написа сия. и вем, яко истинно есть свидетельство его.
  25. суть же и ина многа, яже сотвори Иисус, яже аще бы по единому писана быша, ни самому мню всему миру вместити пишемых книг. аминь.

Постоянная ссылка на эту страницу bibleonline.ru/bible/csl/43/21/.

Выбор перевода и языка



© Библия Онлайн, 2003-2017