1. Еже бе исперва, еже слышахом, еже видехом очима нашима, еже узрехом, и руки нашя осязаша, о словеси животнем:
  2. и живот явися, и видехом, и свидетельствуем, и возвещаем вам живот вечныи, иже бе у Отца и явися нам:
  3. еже видехом и слышахом, поведаем вам, да и вы общение имате с нами: общение же наше со Отцем и с Сыном его Иисусом Христом.
  4. И сия пишем вам, да радость ваша будет исполнена.
  5. И сие есть обетование, еже слышахом от него и поведаем вам, яко Бог свет есть, и тмы в нем несть ни единыя.
  6. Аще речем, яко общение имамы с ним, и во тме ходим, лжем и не творим истины:
  7. аще же во свете ходим, якоже сам той есть во свете, общение имамы друг ко другу, и кровь Иисуса Христа Сына его очищает нас от всякаго греха.
  8. Аще речем, яко греха не имамы, себе прельщаем, и истины несть в нас.
  9. Аще исповедаем грехи нашя, верен есть и праведен, да оставит нам грехи нашя и очистит нас от всякия неправды.
  10. Аще речем, яко не согрешихом, лжа творим его, и слово его несть в нас.

Постоянная ссылка на эту страницу bibleonline.ru/bible/csl/48/01/.

Выбор перевода и языка



© Библия Онлайн, 2003-2016