1. и аз пришед к вам, братие, приидох не по превосходному словеси или премудрости возвещая вам свидетельство Божие.
  2. не судих бо ведети что в вас, точию Иисуса Христа, и сего распята.
  3. и аз в немощи и страсе и трепете мнозе бых в вас.
  4. и слово мое и проповедь моя не в препретельных человеческия премудрости словесех, но в явлении духа и силы.
  5. да вера ваша не в мудрости человечестеи, но в силе Божиеи будет.
  6. премудрость же глаголем в совершенных. премудрость же не века сего, ни князеи века сего престающих.
  7. но глаголем премудрость Божию в таине сокровенную, юже пред устави Бог прежде век в славу нашу.
  8. юже никтоже от князеи века сего разуме. аще бо быша разумели, не быша Господа славы распяли.
  9. но якоже есть писано. ихже око не виде, и ухо не слыша, и на сердце человеку не взыдоша, яже уготова Бог любящым его.
  10. нам же Бог открыл есть духом своим. дух бо вся испытует, и глубины Божия.
  11. кто бо весть от человек, яже в человеце, точию дух человека, живущии в нем, такожде и Божия никтоже весть, точию дух Божии.
  12. мы же не духа мира сего прияхом, но духа иже от Бога, да вемы яже от Бога дарованная нам.
  13. яже и глаголем не в наученых человеческия премудрости словесех, но в наученых духа стаго, духовная духовными сразсуждающе.
  14. душевен же человек не приемлет яже духа Божия. юродство бо ему есть, и не может разумети, зане духовне востязуется.
  15. духовныи же востязует убо вся, а сам ни от единаго востязуется.
  16. кто бо разуме ум Господень, иже из яснит и, мы же ум Христов имамы.

Постоянная ссылка на эту страницу bibleonline.ru/bible/csl/53/02/.

Выбор перевода и языка



© Библия Онлайн, 2003-2017