1. несмь ли апл, несмь ли свободь, не Иисуса Христа ли Господа нашего видех, не дело ли мое вы есте о Господе,
  2. аще иным и несмь апл, но обаче вам есмь. печать бо моего апостольства вы есте о Господе.
  3. мои ответ востязующым мене сеи есть.
  4. еда не имамы власти ясти и пити,
  5. еда не имамы власти сестру жену водити, яко и прочии апли, и братия Господня, и кифа,
  6. или един аз и варнава не имамы власти еже не делати,
  7. кто воинствует своими оброки когда, или кто насаждает виноград, и от плода его не яст, или кто пасет стадо, и от млека стада не яст,
  8. еда по человеку сия глаголю, не и закон ли сия глаголет,
  9. в моисеове бо законе писано. да не заградиши устну вола молотяща. еда о волех радит Бог,
  10. или нас ради всяко глаголет, нас бо ради написася, яко о надежди должен есть оряи орати, и молотяи с надеждею своего упования причащатися.
  11. аще мы духовная сеяхом вам, велико ли, аще мы ваша телесная пожнем,
  12. аще инии власти вашея причащаются, не паче ли мы, но не сотворихом по области сеи. но вся терпим, да не прекращение кое дамы благовествованию Христову.
  13. не весте ли, яко делающии священная, от святилища ядят, и служащии олтарю, со олтарем делятся,
  14. тако и Господь повеле проповедающым благовестие, от благовестия жити.
  15. аз же ни едино сотворих от сих. не писах же сия, да тако будет о мне. добрее бо мне паче умрети, нежели похвалу мою кто да испразднит.
  16. аще бо благовествую, несть ми похвалы. нужда бо ми належит. горе же мне есть, аще не благовествую.
  17. аще убо волею сие творю, мзду имам. аще же неволею, строение ми есть предано.
  18. кая убо ми есть мзда, да благовествуяи без мзды положу благовестие Христово, во еже не творити ми по области моеи в благовествовании.
  19. свободен бо сыи от всех, всем себе поработих, да множаишыя приобрящу.
  20. бых иудеем яко иудеи, да иудеи приобрящу. подзаконным яко подзаконен, да подозаконныя приобрящу.
  21. беззаконным яко беззаконен, не сыи беззаконник Богу, но законник Христу, да приобрящу беззаконныя.
  22. бых немощным яко немощен, да немощныя приобрящу. всем бых вся, да всяко некия спасу.
  23. сие же творю за благовестие, да сообщник ему буду.
  24. не весте ли, яко текущии в позорищи, вси убо текут, един же приемлет почесть, тако тецыте, да постигнете.
  25. всяк же подвизаяися, от всех воздержится. и они убо да истленен венец приимут, мы же неистленен.
  26. аз убо тако теку, не яко безвестно. тако подвизаюся, не яко воздух бияи.
  27. но умерщвляю тело мое и порабощаю, да не како, иным проповедуя, сам неключимь буду.

Постоянная ссылка на эту страницу bibleonline.ru/bible/csl/53/09/.

Выбор перевода и языка



© Библия Онлайн, 2003-2016