1. о духовных же, братие, не хощу вас не ведети.
  2. весте, яко егда неверни бесте, ко идолом безгласным яко ведоми ведостеся.
  3. темже сказую вам, яко никтоже, духом Божиим глаголяи, речет анафема Иисуса. и никтоже может рещи Господа Иисуса, точию духом святым.
  4. разделения же даровании суть, а тоижде дух.
  5. и разделения служении суть, а тоижде Господь.
  6. и разделения деиств суть, а тоижде есть Бог, деиствуяи вся во всех.
  7. комуждо же дается явление духа на пользу.
  8. овому бо духом дается слово премудрости, иному же слово разума, о томже дсе.
  9. другому же вера, темже духом. иному же дарования исцелении, о томже дсе.
  10. другому же деиствия сил, иному же пророчество, другому же разсуждения духовом, иному же роди языков, другому же сказания языков.
  11. вся же сия деиствует един и тоижде дух, разделяя властию коемуждо якоже хощет.
  12. якоже бо тело едино есть, и уды имать многи, вси же уди единаго тела, мнози суще, едино суть тело. тако и Христос.
  13. ибо единем духом мы вси во едино тело крестихомся, аще иудеи, аще еллини, или раби, или свободни. и вси единем духом напоихомся.
  14. ибо тело несть един уд, но мнози.
  15. аще речет нога, яко несмь рука, несмь от тела. еда сего ради несть от тела,
  16. и аще речет ухо, яко несмь око, несмь от тела. еда сего ради несть от тела,
  17. аще все тело око, где слух, аще же все слух, где ухание,
  18. ныне же положи Бог уды, единаго коегождо их в телеси, якоже изволи.
  19. аще ли быша вси един уд, где тело,
  20. ныне же мнози убо удове, едино же тело.
  21. не может же око рещи руце. не требе ми еси. или паки глава ногама. не требе ми есте.
  22. но много паче, мнящиися уди тела немощнеиши быти, нужнеиши суть.
  23. и ихже мним безчестнеиших быти тела, сим честь множаишую прилагаем.
  24. и неблагообразнии наши благообразие множаише имут. а благообразнии наши не требе имут. но Бог раствори тело, худеишему большу дав честь,
  25. да не будет распри в телеси, но да тожде в себе пекутся уди.
  26. и аще страждет един уд, с ним страждут вси уди. аще ли же славится един уд, с ним радуются вси уди.
  27. вы же есте тело Христово и уди от части.
  28. и овых убо положи Бог в церкви первее аплов, второе пророков, третие учителеи. потом же силы, таже дарования исцелении, заступления, правления, роди языков.
  29. еда вси апли, еда вси пророцы, еда вси учители, еда вси силы,
  30. еда вси дарования имут исцелении, еда вси языки глаголют, еда вси сказуют,
  31. ревнуите же даровании больших. и еще по превосхождению путь вам показую.

Постоянная ссылка на эту страницу bibleonline.ru/bible/csl/53/12/.

Выбор перевода и языка



© Библия Онлайн, 2003-2016