1. держитеся любве. ревнуите же духовным, паче же да пророчествуете.
  2. глаголяи бо языки, не человеком глаголет, но Богу. никтоже бо слышит, духом же глаголет таины.
  3. пророчествуяи же, человеком глаголет созидание и утешение и утверждение.
  4. глаголяи бо языки, себе зиждет. а пророчествуяи, церковь зиждет.
  5. хощу же всех вас глаголати языки, паче же да прорицаете. болии бо пророчествуяи, нежели глаголяи языки, разве аще кто сказует, да церковь созидание приемлет.
  6. ныне же, братие, аще прииду к вам языки глаголя, кую вам пользу сотворю, аще вам не глаголю или во откровении, или в разуме, или в пророчествии, или в научении,
  7. обаче бездушная глас дающая, аще сопель, аще гусли, аще разнствия писканием не дадят, како разумно будет пискание или гудение,
  8. ибо аще безвестен глас труба даст, кто уготовится на брань,
  9. тако и вы аще не благоразумно слово дадите языком, како уразумеется глаголемое, будете бо на воздух глаголюще.
  10. толицы убо, аще ключится, роди гласов суть в мире, и ни един их безгласен.
  11. аще убо не увем силы гласа, буду глаголющему иноязычник. и глаголющии, мне иноязычник.
  12. тако и вы, понеже ревнители есте духовом, яже к созиданию церкве просите, да избыточествуете.
  13. темже глаголяи языком, да молится, да сказует.
  14. аще бо молюся языком, дух мои молится, а ум мои без плода есть.
  15. что убо есть, помолюся духом, помолюся же и умом. воспою духом, воспою же и умом.
  16. понеже аще благословиши духом, исполняяи место невежды како речет аминь, по твоему благодарению, понеже не весть, что глаголеши.
  17. ты убо добре благодариши, но другии не созидается.
  18. благодарю Бога моего, паче всех вас языки глаголя.
  19. но в церкви хощу пять словес умом моим глаголати, да и ины пользую, нежели тьмы словес языком.
  20. братие, не дети бываите умы. но злобою младенствуите, умы же совершени бываите.
  21. в законе пишет. яко иными языки и устны иными возглаголю людем сим, и ни тако послушают мене, глаголет Господь.
  22. темже языцы в знамение суть не верующым, но неверным. а пророчество не неверным, но верующым.
  23. аще убо снидется церковь вся вкупе, и вси языки глаголют, внидут же и неразумивии или невернии, не рекут ли, яко беснуетеся,
  24. аще же вси пророчествуют, внидет же некии неверен или невежда, обличается всеми, и истязуется от всех.
  25. и сице таиная сердца его явлена бывают. и тако пад ниц, поклонится Богови, возвещая, яко воистинну Бог с вами есть.
  26. что убо есть, братие, егда сходитеся, кииждо вас псалом имать, учение имать, язык имать, откровение имать, сказание имать. вся же к созиданию да бывают.
  27. аще языком кто глаголет, по двема, или множае по трием, и по части. и един да сказует.
  28. аще ли не будет сказатель, да молчит в церкви, себе же да глаголет и Богови.
  29. пророцы же два или трие да глаголют, и друзии да разсуждают.
  30. аще ли иному открыется седящу, первыи да молчит.
  31. можете бо вси по единому пророчествовати, да вси учатся и вси утешаются.
  32. и дуси пророчестии пророком повинуются.
  33. несть бо нестроения Бог, но мира, яко во всех церквах святых.
  34. жены вашя в церквах да молчат. не повелеся бо им глаголати, но повиноватися, якоже и закон глаголет.
  35. аще ли чесому научитися хотят, в дому своих мужеи да вопрошают. срамно бо есть жене в церкви глаголати.
  36. или от вас слово Божие изыде, или вас единых достиже,
  37. аще кто мнится пророк быти или духовен, да разумеет, яже пишу вам, зане Господни суть заповеди.
  38. аще ли кто не разумеет, да не разумевает.
  39. темже, братие моя, ревнуите еже пророчествовати, и еже глаголати языки не возбраняите.
  40. вся же благообразно и по чину да бывают.

Постоянная ссылка на эту страницу bibleonline.ru/bible/csl/53/14/.

Выбор перевода и языка



© Библия Онлайн, 2003-2017