1. о милостыни же, яже ко святым, якоже устроих церквам галатииским, тако и вы сотворяите.
  2. по единеи от суббот кииждо вас да полагает у себе сохраняя, еже аще что благопоспешится. да, не егда прииду, тогда собрания бывают.
  3. егда же прииду, ихже аще искусите, с посланьми сих послю отнести благодать вашу во иерлим.
  4. аще же достоино будет и мне ити, со мною поидут.
  5. прииду же к вам, егда македонию преиду. македонию бо прохожду.
  6. у вас же, аще случится мне, пребуду, или и озимею, да вы мя проводите, аможе аще поиду.
  7. не хощу бо вас ныне в мимохождении видети. уповаю же время некое пребыти у вас, аще Господь повелит.
  8. пребуду же во ефесе до пентикостии.
  9. дверь бо ми отверзеся велика и поспешна, и сопротивнии мнози.
  10. аще же приидет тимофеи, блюдите, да без страха будет у вас. дело бо Господне делает, якоже и аз.
  11. да никтоже убо его уничижит. проводите же его с миром, да приидет ко мне. жду бо его с братиею.
  12. о аполлосе же брате. много молих его, да приидет к вам с братиею. и всяко не бе воля, да ныне приидет. приидет же, егда упразднится.
  13. бодрствуите, стоите в вере, мужаитеся, утверждаитеся.
  14. вся вам любовию да бывают.
  15. молю же вы, братие. весте дом стефанинов, яко есть начаток ахаии, и в служение святым учиниша себе.
  16. да и вы повинуитеся таковым и всякому споспешствующу и труждающуся.
  17. возрадовахся же о пришествии стефанинове и фуртунатове и ахаикове, яко ваше лишение сии исполниша.
  18. упокоиша бо мои дух и ваш. познаваите убо таковыя.
  19. целуют вы церкви асииския. целуют вы о Господе много акила и прискилла с домашнею их церковию.
  20. целуют вы братия вся. целуите друг друга лобзанием святым.
  21. целование моею рукою павлею.
  22. аще кто не любит Господа Иисуса Христа, да будет проклят, маран афа.
  23. благодать Господа нашего Иисуса Христа с вами,
  24. и любы моя со всеми вами о Христе Иисусе. аминь.

Постоянная ссылка на эту страницу bibleonline.ru/bible/csl/53/16/.

Выбор перевода и языка



© Библия Онлайн, 2003-2016