1. Дух же явственне глаголет, яко в последняя времена отступят нецыи от веры, внемлюще духовом лестчым и учением бесовским,
  2. в лицемерии лжесловесник, сожженных своею совестию,
  3. возбраняющих женитися, удалятися от брашен, яже Бог сотвори в снедение со благодарением верным и познавшым истину.
  4. Зане всякое создание Божие добро, и ничтоже отметно, со благодарением приемлемо,
  5. освящается бо словом Божиим и молитвою.
  6. Сия вся сказуя братии, добр будеши служитель Иисуса Христа, питаемь словесы веры и добрым учением, емуже последовал еси.
  7. Скверных же и бабиих басней отрицайся, обучай же себе ко благочстию:
  8. телесное бо обучение вмале есть полезно, а благочстие на все полезно есть, обетование имеющее живота нынешняго и грядущаго.
  9. Верно слово и всякаго приятия достойно.
  10. На сие бо и труждаемся и поношаеми есмы, яко уповахом на Бога жива, иже есть спаситель всем человеком, паче же верным.
  11. Завещавай сия и учи.
  12. Никтоже о юности твоей да нерадит: но образ буди верным словом, житием, любовию, духом, верою, чистототою.
  13. Дондеже прииду, внемли чтению, утешению, учению.
  14. Не неради о своем даровании живущем в тебе, еже дано тебе бысть пророчеством с возложением рук священничества.
  15. В сих поучайся, в сих пребывай, да преспеяние твое явлено будет во всех.
  16. Внимай себе и учению и пребывай в них: сия бо творя, и сам спасешися и послушающии тебе.

Постоянная ссылка на эту страницу bibleonline.ru/bible/csl/61/04/.

Выбор перевода и языка



© Библия Онлайн, 2003-2017